- Барилгын салбарын өнөөгийн байдлаар товч мэдээлэл өгнө үү?
- БХБ-ын сайд Х.Баделханы идэвхи санаачлагын үр дүнд БХБЯ, СЯ, Монгол банк, Хөгжлийн банк зэрэг байгууллагуудын хамтын ажиллагааны үр дүнд Улаанбаатар хот болон аймаг орон нутгуудад энэ онд өрнөх томоохон бүтээн
байгуулалтын хөрөнгө оруулалтын асуудлууд шийдэгдэж баригдсан болон баригдаж байгаа орон сууцнуудын санхүүжилтын механизмын тогтолцоог
өөрчилөн үнэт цаасжуулах зарчмаар ипотекийн зээлийн хүүг бууруулж
хэмжээг ихэсгэх талаар нэлээд нааштай алхмууд хийгдэж барилгын салбарт төр хувийн хэвшлийн түншлэлийн хүрээнд шийдэмгий шийдэрүүд гаргалаа.
-Төр хувийн хэвшлэлийн түншлэлийн талаар хийгдсэн алхамуудын талаар тодруулна уу?
Засгийн газрын тогтоол шийдвэр болон “Барилгын тухай “хууль зэрэгт нилээд эртнээс тусгагдсан ”Барилгын салбарын ажилтнуудад мэргэшлийн зэрэг олгох сургалт эрхлэх” болон “Барилгын тусгай зөвшөөрөл олгох үйлчилгээ” зэрэг үйлчилгээг мэргэжлийн холбоод ТББ-уудын түншлэлүүдэд гэрээний үндсэн дээр гүйцэтгүүлэх тухай тушаал шийдвэр гарч энэхүү үйл ажиллагаанд барилгын салбарт сүүлийн 5-30 жил тогтвортой идэвхитэй ажиллаж буй 10 гаруй ТББ мэргэжлийн холбоод түншлэл хэлбэрээр хамрагдаж төрийн захиргааны төв байгууллагын өмнө итгэл хариуцлага хүлээж ажиллахаар харилцан тохиролцоод бэлтгэл ажлаа хангаж байна.
- Зарим чиг үүрэг шилжснээр ямар ахиц дэвшил үр дүн салбарын хэмжээнд хүлээгдэж байна вэ?
Барилгын салбарын төрийн захиргааны төв байгууллагын өмнө нь хэвийн гүйцэтгэж байсан үүргүүдийг шилжүүлэн авснаар нилээд том хариуцлага хүлээлээ гэдгийг салбарын ТТБ мэргэжлийн холбоодууд ойлгож хамтын ажиллагааныхаа эв нэгдэл, үйл ажиллагааныхаа зорилго чиглэлийнхээ хэлбэрээ олж байгаа байдал нь бидний удаа дараагийн уулзалт хэлэлцүүлгээс тодорхой харагдаж байна. Энэ үйл явц бол хамгийн чухал үр дүн мөн бидэнд хамтын ажиллагаа эв нэгдэл дутагдаж байсан байна. Барилгын салбарын зарим хүмүүс энэхүү үйл явцыг янз бүрийн өнцөгөөс харж зарим нь бүр барилгын салбарыг самарах алхам хийгдлээ хэмээн шүүмжилж байна. Энэхүү чиг үүрэг нь гэрээний үндсэн дээр нэг л жилийн хугацаагаар өгөгдөж байгаа учраас барилгын салбарынхан бидний хувьд бие биенээ муу хэлэх, шүүмжлэн үйл явцийг хойш нь татахаасаа илүү санаа бодлоо нэмэрлэж төрийн зүээс өгч буй итгэлийг зүтгэлээр хариулах нь чухал гэдгийг ойлгож буй мэргэжлийн холбоодоо дэмжиж ажиллах нь чухал юм.

Барилгын салбар 1990 онд бүрэн хувьчлагдаж 100% хувийн хэвшил зонхилох болсноос хойш барилгын салбарт үйл ажиллагаа эрхлэж буй байгууллага барилгачиддаа төрийн зүгээс тавих анхаарал бодлого дутагдаж түүнийг нь нөхөх гэж 40 гаруй ТББ-ууд үүсэж төр хувийн хэвшлийн хамтын ажиллагаа ихээхэн дутагдаж байсан юм.